ಆಲೆಮನೆ ಬಳಗ

ಮಾನಸ

2011-02-04T17:56:00.000-08:00

ಗೌರಿಬಿದನೂರು ಇವಳ ಸ್ವಂತೂರು. ವಾಸ, ಓದಿದ್ದು, ಬೆಳೆದದ್ದು ಬೆಂಗಳೂರು. ನ್ಯಾಷನಲ್ ಕಾಲೇಜಿನಲ್ಲಿ ಬಿ.ಎ. ಪದವಿಯ ನಂತರ ಸೇರಿದ್ದು ಬೆಂಗಳೂರು ವಿಶ್ವವಿದ್ಯಾನಿಲಯದ ವಿದ್ಯುನ್ಮಾನ ಮಾಧ್ಯಮ ವಿಭಾಗ.

ಅಲಂಕಾರಪ್ರಿಯೆ ಈ ಹುಡುಗಿ
ತದ್ರೂಪು ಚಿತ್ರ ಬಿಡಿಸುವ ಬೆಡಗಿ
ಧಿಡೀರನೆ ಮೂಡುವುದಿವಳಿಗೆ ಹುಮ್ಮಸ್ಸು
ನಿರ್ಧರಿಸಿ ನಿಂತರೆ ಕಟ್ಟಿಟ್ಟಿದ್ದು ಯಶಸ್ಸು.

ಸಂತೋಷ್

2011-02-04T17:49:00.000-08:00

ಹುಟ್ಟಿದ್ದು ಬೆಂಗಳೂರೆ ಆದರೆ ಬೆಳೆದಿದ್ದು, ಕಲಿತದ್ದು ಒಂದು ವಿಚಿತ್ರ. ಆರರವರೆಗೂ ಬೆಂಗಳೂರಿನ ’ಜ್ಞಾನೋದಯ’. ನಂತರ ಶಾಲಾ ಶಿಕ್ಷಣ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪದಲ್ಲಿ. ಕಾಲೇಜು ಹಂತದ ಮೊದಲ ಭಾಗ ಪಿ.ಯು.ಸಿ ಶಿಕ್ಷಣ ಬೆಂಗಳೂರಿನ ಜೈನ್ ಕಾಲೇಜಿನಲ್ಲಿ. ನಂತರ ಪದವಿ ಪಡೆದದ್ದು ಬಿ.ಎಚ್.ಎಸ್ ಕಾಲೇಜಿನಿಂದ. ಈಗ ಸಧ್ಯಕ್ಕೆ ಬೆಂಗಳೂರಿನ ವಿಶ್ವವಿದ್ಯಾಲಯದ ವಿದ್ಯುನ್ಮಾನ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿಗೆ ವ್ಯಾಸಂಗ.

ವರ್ಣರಂಜಿತ ವಿಭಿನ್ನ ವ್ಯಕ್ತಿತ್ವ
ಎಂಥವರನ್ನೂ ಮಾತಿಗಿಳಿಸುವುದು ಇವನ ತತ್ವ
ಎಲ್ಲೆಂದರಲ್ಲಿ ಹೊರಡಿಸುವನು ಹಾಡಿನ ಗುನುಗು
ಮಾಡುವ ತರ್ಕಗಳಿಗೆ ಕೇಳುವರೆಲ್ಲಾ ನಿಬ್ಬೆರಗು.

ಅಖಾಡಕ್ಕೆ ಇರುವೆಗಳು .........

2011-02-02T06:45:00.002-08:00

ಗದಗದ ಸಾಹಿತ್ಯ ಸಮ್ಮೇಳನದ ಯಶಸ್ವಿ ಪಯಣದ ನಂತರ ಮತ್ತೆ ಅ ಮತ್ತು ಆ ಜೊತೆಗೂಡಿ ಸನ್ನದ್ಧವಾಗಿದೆ. ಕನ್ನಡದ ಈ ಮೊದಲ್ನುಡಿ, ತೊದಲ್ನುಡಿ ಇಲ್ಲದೆ ಮಾತು ಇಲ್ಲವಲ್ಲ..ಹಾಗಾಗಿ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೂ ಒಂದು ಮೊದಲ ನುಡಿ ಬರೆಯಲು ಈ ಅಕ್ಷರಗಳು ಸಜ್ಜಾಗಿವೆ.
ಅವಧಿ ಮತ್ತು ಆಲೆಮನೆ ಎರಡೂ ಜೋಡಿಯಾದ ಪರಿಣಾಮವೇ ‘ನುಡಿ ನಮನ’.

77ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಸಾಕ್ಷಿಯಾಗುತ್ತಿರುವ ಬೆಂಗಳೂರನ್ನು ಆಲೆಮನೆಯ ಇರುವೆಗಳು ಸುತ್ತು ವರಿದು ಕ್ಷಣ-ಕ್ಷಣದ ಮಾಹಿತಿಯನ್ನು ಹೊತ್ತು ತರಲಿವೆ.

.

ಅ......ಆ.....:

2011-02-02T06:45:00.001-08:00

ಆಲೆಮನೆಯ ಇರುವೆಗಳ ಕನ್ನಡದ ಗೂಡು "ನುಡಿನಮನ" ಕಟ್ಟಿ ಇಂದಿಗೆ ಒಂದು ವರ್ಷ......ಈ ಸುಸಂದರ್ಭದಲ್ಲಿ ಆಲೆಮನೆ ಇರುವೆಗಳ ಗುಂಪು ಮತ್ತಷ್ಟು ಉತ್ಸಾಹಿ ಗೆಳೆಯರೊಂದಿಗೆ ದೊಡ್ಡ ಸೇನೆಯನ್ನೇ ನಿರ್ಮಿಸಿಕೊಂಡು, ಬೆಂಗಳೂರಿನಲ್ಲಿ ಆರಂಭಗೊಳ್ಳಲಿರುವ 77ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳವನ್ನು ಸುತ್ತುವರಿಯಲು ಸನ್ನದ್ಧವಾಗಿದೆ. ಈ ಯುವ ಮನಸ್ಸುಗಳಿಗೆ ಚಿಲುಮೆಯ ಚೂಯಿಂಗಮ್ ನೀಡುತ್ತಿರುವ 'ಅವಧಿ'ಯ ಜಿ.ಎನ್. ಮೋಹನ್ರವರಿಗೆ ನುಡಿನಮನದ ಮುಖೇನ ನಮಿಸುತ್ತಿದ್ದೇವೆ.

ಡಿಸೆಂಬರ್ ನಿಂದ ಜನವರಿಗೆ ಬಂದು ಅಲ್ಲಿಂದ ಒದ್ದಾಡಿ ಫೆಬ್ರವರಿಯಲ್ಲೇ ದಿನಾಂಕ ಗಟ್ಟಿಯಾಗಿ ಸಮ್ಮೇಳನದ ಸಿದ್ಧತೆಗಳು ತ್ವರಿತಗತಿಯಲ್ಲಿ ಸಾಗಿವೆ. ಸಿಲಿಕಾನ್ ವ್ಯಾಲಿಯೆಂದೇ ಹೆಸರಾಗಿರುವ ಬೆಂಗಳೂರು ಐಟಿ-ಬಿಟಿ ಕಂಪೆನಿಗಳಿಂದ ತುಲುಕುತ್ತಿದ್ದರೂ ಅಗತ್ಯವಾದ ಹಣದ ನೆರವು ಕನ್ನಡದ ಕೆಲಸಕ್ಕೆ ದೊರೆಯದೇ ಇರುವುದು ನೋವಿನ ಸಂಗತಿ. ಕೈಯ್ಯಲ್ಲಿರುವ ಹಣದಿಂದಲೇ ನಲ್ಲೂರ್ ಪ್ರಸಾದ್ರವರು ಕೆಲಸ ಪ್ರಾರಂಭಿಸಿದ್ದು ಹಿರಿಯ-ಕಿರಿಯ ಸಾಹಿತ್ಯಾಸಕ್ತರು ಹಿನ್ನೆಲೆಯಲ್ಲಿ ದುಡಿಯುತ್ತಿರುವುದು 77ನೇಯ ಕನ್ನದ ಸಾಹಿತ್ಯ ಸಮ್ಮೇಳನಕ್ಕೆ ಒಂದು ವಿಶೇಷ ಕಳೆ ಕಟ್ಟುವ ಸಾಧ್ಯತೆ ಇದೆ.
ಒಟ್ಟಿನಲ್ಲಿ ಸಾಹಿತ್ಯ ಸಮ್ಮೇಳನವೆಂದರೆ ಅದೇನೋ ಒಂದು ಹುರುಪಿನ ಸಂಚಲನ, ಯುವಕರಲ್ಲಿ ಹಬ್ಬದ ಉತ್ಸಾಹ, ತಮ್ಮದನ್ನು ಜನಸಾಮಾನ್ಯರೊಂದಿಗೆ ಹಂಚಿಕೊಳ್ಳಲು ತವಕಿಸುವ ಸಾಹಿತಿಗಳ ಗುಂಪು, ಓದುಗ ಪ್ರೇಮಿಗಳಿಗೆ ಪುಸ್ತಕ ಮೇಳದಲ್ಲಿ ಮುಳುಗುವ ಸದಾವಕಾಶ, ಎಲ್ಲವನ್ನೂ ನೋಡುತ್ತಾ, ಓಡಾಡುತ್ತಾ, ಭೋಜನದ ಬಗೆಗೆ ಗಮನ ಹರಿಸೋ ತಿಂಡಿ ಪ್ರಿಯರು, ವ್ಯಾಪಾರಿಗಳಿಗೆ ಸರಕು ಖಾಲಿ ಮಾಡೊ ಸುಗ್ಗಿ ಕಾಲ, ಹೀಗೆ ಇದು ಜಾತ್ರೆಯೋ, ಹಬ್ಬವೋ, ಸಂತೆಯೋ, ಮೇಳವೋ............ ಏನೆಂದು ನೀವೇ ಅರ್ಥೈಸಿಕೊಳ್ಳಬೇಕು.
ಆಲೆಮನೆ ಬಳಗ ಇನ್ನು ಕೆಲವೆ ನಿಮಿಷಗಳಲ್ಲಿ ಚಿತ್ರ ಹಾಗು ವೀಡಿಯೋ ಸಮೇತವಾಗಿ ನಿಮಗೆ ಸಮ್ಮೇಳನದ ಬೆಲ್ಲದ ಸವಿಯನ್ನು ಉಣಬಡಿಸಲಿದೆ.
ಹಾ.........ನಿಮ್ಮ ಸ್ನೇಹಿತರು, ಮನೆ-ಮಂದಿ ಎಲ್ಲರಿಗೂ ಈ ಸುದ್ದಿ ಮುಟ್ಟಿಸಿ, ಬೇಗ ಬೇಗ ಸಿದ್ಧರಾಗಿ ಕುಳಿತಿರಿ....... ಅದೋ ನಮ್ಮ ಇರುವೆಗಳ ಸಾಲು ಶಿಸ್ತಿನಿಂದ ಇತ್ತಲೇ ಬರುತ್ತಿದೆ........

ರಮ್ಯ:

2011-02-02T04:03:00.000-08:00

ಹುಟ್ಟಿದ್ದ, ಬೆಳೆದದ್ದು ಎಲ್ಲಾ ಬೆಂಗಳೂರಿನಲ್ಲೇ, ಪದವಿ ಮುಗಿಸಿದ್ದು ಮೌಂಟ್ ಕಾರ್ಮಲ್ ಕಾಲೇಜಿನಲ್ಲಿ, ಪ್ರಸ್ತುತ ಬೆಂಗಳೂರು ವಿ.ವಿ.ಯ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಪದವಿ.

ಮಾತಿನ ಮಲ್ಲಿ ಈ ಬೆಡಗಿ
ಪುಸ್ತಗಳೇ ಇವಳ ಬಾಳಸಂಗಾತಿ
ಸ್ನೇಹಜೀವಿ ಈ ಹುಡುಗಿ
ಭಾಷಾಂತರ ಕಲೆ ಇವಳ ಜೊತೆಗಾತಿ

ಅರಳಲಿ ಬಹು ಬೇಗನೆ ಈ ಮೀಡಿಯಾ ಮೊಗ್ಗು

ಗಜೇಂದ್ರ:

2011-02-02T04:01:00.000-08:00

ಚಿಕ್ಕಮಗಳೂರಿನ ಹುಡುಗ ಬೆಂಗಳೂರಿನ ನ್ಯಾಷನಲ್ ಕಾಲೇಜಿನಲ್ಲಿ ಪದವಿ ಮುಗಿಸಿ, ಬೆಂಗಳೂರು ವಿ.ವಿಯ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಸದ್ಯದ ವ್ಯಾಸಂಗ.

ಸದಾ ಚಿಂತನಾಶೀಲ ವ್ಯಕ್ತಿತ್ವದ ಈ ಹುಡುಗ
ಮೂಡಿಸುವಾಸೆ ಮಾಧ್ಯಮದಲ್ಲಿ ಬೆಳಗ,
ಇವೆ ಇವನದೇ ನಾಟಕ, ಸಿನಿಮಾ ಕಥೆಗಳು
ಇದುವರೆಗೂ ಬಿಟ್ಟಿಲ್ಲ ಹೊರಗೆ ಯಾವಕಥೆಗಳು.

ಶಿಲ್ಪ

2011-02-02T02:55:00.000-08:00

ಶಾಲೆ ಕಾರ್ಮಲ್ ಇಂಗ್ಲೀಷ್ ಶಾಲೆಯಲ್ಲಿ, ಪದವಿ ಬಿ.ಎಂ.ಎಸ್ ಕಾಲೇಜಿನಲ್ಲಿ, ಈಗ ಬೆಂಗಳೂರು ವಿ.ವಿ.ಯಲ್ಲಿ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ವ್ಯಾಸಂಗ.
ಸ್ನೇಹಿತರೊಂದಿಗೆ ಸ್ನೇಹಜೀವಿ
ಆಗಲಿಷ್ಟವಿಲ್ಲ ಎಂದೂ ಒಂಟಿಜೀವಿ;
ಕಲೆಯ ಬದುಕು, ಛಾಯಾಚಿತ್ರ ಹೊಳಪು ಮನಕೆ ಹತ್ತಿರ
ವಿಶ್ವ ಸುತ್ತೋ ಬಯಕೆ, ಬೆಳೆಸುವಾಸೆ ಕನ್ನಡವ ಆಗಸದೆತ್ತರ

ನಯನ

2011-02-01T20:21:00.000-08:00

ಕನರ್ಾಟಕದ ರಾಜಧಾನಿ ಬೆಂಗಳೂರೇ ತವರೂರು, ಹುಟ್ಟಿ, ಬೆಳೆದು, ಕಲಿಯುತ್ತಿರೋದು ಇದೇ ಬೆಂಗಾಡಿನಲ್ಲಿ. ಸದ್ಯಕ್ಕೆ ಬೆಂಗಳೂರು ವಿ.ವಿಯ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂ.ಎಸ್ಸಿ.

ಸದಾ ಎಲ್ಲರೊಂದಿಗೂ ವಟಗುಟ್ಟೋ ಚಾಳಿ
ತಟ್ಟಿದೆ ವೈಲ್ಡ್ ಲೈಫ್ ಫೋಟೋಗ್ರಫಿ ಗಾಳಿ,
ರುಚಿಕರ ತಿಂಡಿ-ತೀರ್ಥಗಳೊಂದಿಗಿನ ಬಾಳು
ಓದು-ಊರುಸುತ್ತೋದು ಅಂಟಿಕೊಂಡ ಗೀಳು.

ಸುಮಂತ್ ಕುಮಾರ್.ಡಿ

2011-02-01T20:20:00.000-08:00

ಹುಟ್ಟಿದ್ದು ಗಡಿನಾಡು ಬೆಳಗಾವಿ, ವಾಸ ಸ್ಥಾನ ಸಿಲಿಕಾನ್ ವ್ಯಾಲಿ ಬೆಂಗಳೂರು. ಬೆಂಗಳೂರು ವಿ.ವಿ.ಯ ವಿದ್ಯುನ್ಮಾನ ವಿಭಾಗದಲ್ಲಿ ಸ್ನಾತಕೋತ್ತರ ಕಲಿಕೆ.

ಹತ್ತಿತಿವನಿಗೆ ನ್ಯಾಷನಲ್ ಕಾಲೇಜಿನಲ್ಲಿ ನಾಟಕದ ಗೀಳು
ಹಾಡು-ಸಾಹಿತ್ಯ-ಚಿತ್ರಕಲೆ-ಪ್ರಸಾದನ-ಬೆಳಕು,
ಜೊತೆಗೇ ಓದು-ಬರಹ ಶ್ರಮಜೀವಿಯ ಬದುಕು
ಸದಾ ಬೆಳಗಲಿ-ಬೆಳೆಯಲಿ ಈ ಎಲೆಕ್ಟ್ರಾನಿಕ್ಸ್ ಹುಡುಗನ ಬಾಳು.

ಶ್ರೀವತ್ಸ ಎಂ. ಸುಬೋಧ:

2011-02-01T20:18:00.000-08:00

ಜನಿಸಿದ್ದು, ಕಲಿತದ್ದು, ಇರೋದು ಎಲ್ಲಾ ಬೆಂಗಳೂರೇ....ಪತ್ರಿಕೋದ್ಯಮದಲ್ಲಿ ಬಿ.ಎ. ಪದವಿಯ ವ್ಯಾಸಂಗ ಜಯನಗರದ ವಿಜಯ ಕಾಲೇಜಿನಲ್ಲಿ.

ಜರ್ನಲಿಸಮ್ ಸೆಳೆದೇ ಬಿಟ್ಟಿತಿವನ ಮನ
ಓದು-ಬರವಣಿಗೆ-ಬ್ಲಾಗುಗಳು,
ನಾಟಕ, ಚಲನಚಿತ್ರಗಳ ಜೊತೆಗಿನ ಗೆಳೆತನ
ವಿಡಿಯೋ-ಸಂಕಲನ-ವಿಮರ್ಶೆಗಳು
ಈಗೀಗ ಮೈಗೂಡಿಸಿಕೊಂಡಿಹನು ಪ್ರಾಯೋಗಿಕತನ.

ರಶ್ಮಿ

2011-02-01T20:14:00.000-08:00

ಹುಟ್ಟಿದ್ದು, ಬೆಳೆದದ್ದು, ಓದಿದ್ದು, ಓದುತ್ತಿರೋದು ಎಲ್ಲಾ ಉದ್ಯಾನ ನಗರಿ ಎನಿಸಿದ್ದ ಬೆಂಗಳೂರಿನಲ್ಲೇ. ಬಿ.ಎಂ.ಎಸ್. ಕಾಲೇಜಿನಲ್ಲಿ ಪದವಿ, ಈಗ ಬೆಂಗಳೂರು ವಿ.ವಿಯ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂ.ಎಸ್ಸಿ ವ್ಯಾಸಂಗ.
"ದೋಣಿ ಮುಳುಗಿ ಹೋಯ್ತು ಅದರ ಪರಿವೇ ಇಲ್ಲ,
ದೋಣಿ ಎಲ್ಲಿ ಮುಳುಗಿತ್ತೋ ಅಲ್ಲಿ ನೀರೆ ಇಲ್ಲ".
-ಇಂತಹ ಕವನ ಬರೆಯೋದರಲ್ಲಿ ಎತ್ತಿದ ಕೈ.

ಪುಸ್ತಕ ಸಂಗ್ರಹವೆಂದರೆ ಬಲು ಪ್ರೀತಿ
ಓದಿ ಅಪ್ಪನೊಂದಿಗೆ ಚರ್ಚೆಗಿಳಿವುದು ರೀತಿ
ಕಥೆ, ಕವನ, ಬರವಣಿಗೆಗಳೇ ಇವರ ನೀತಿ.

ಮಾಲಾ

2011-02-01T20:06:00.000-08:00

ದೊಡ್ಡಬಳ್ಳಾಪುರದ ಪುಟ್ಟ ಹಳ್ಳಿಯಲ್ಲಿ ಹುಟ್ಟಿ, ಬೆಂಗಳೂರು ಮಹಾನಗರದಲ್ಲಿ ಬೆಳೆಯುತ್ತಿರುವ ಮೀಡಿಯಾ ಮಹಿಳೆ. ಸದ್ಯಕ್ಕೆ ಬೆಂಗಳೂರು ವಿ.ವಿಯ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂ.ಎಸ್ಸಿ ಕೃಷಿ.

ಬೆಂಗಳೂರಿನ ಅಜ್ಜಿಯ ಮನೆಯೇ ಅಚ್ಚುಮೆಚ್ಚು
ಬಂದರೆ ಊರಿಂದ ಫೋನ್ ಮೊಗವಾಗುವುದು ಪೆಚ್ಚು;
ಎಲೆಕ್ಟ್ರಾನಿಕ್ಸ್ ಎಂದು ಎಲೆಕ್ಟ್ರಾನಿಕ್ ಮೀಡಿಯಾ ಸೇರಿದ ಮಹನೀಯೆ
ಈಗ ಸ್ಟುಡಿಯೋದಲ್ಲೇ ಮುಳುಗಿ ಏಳುವಳು, ಇದೇ ಮೀಡಿಯಾ ಲೀಲೆ.
ಸ್ನೇಹಿತರು ಸುತ್ತಲಿರಲೇಬೇಕೆಂಬ ಹುಚ್ಚು
ಎಫ್.ಎಂ ಕೇಳುತ್ತಾ ನಿದ್ದೆ ಮಾಡುವುದೇ ನೆಚ್ಚು.

2010-02-14T00:24:00.000-08:00

ಭೇಟಿ ಕೊಡಿ - ನುಡಿನಮನ

`ನುಡಿನಮನ' - ಕನ್ನಡ ಬ್ಲಾಗಲೋಕದಲ್ಲಿ ಕನ್ನಡಕ್ಕೆಂದೇ ಹೊಸದೊಂದು ಲೋಕ!

2010-02-04T09:07:00.000-08:00

ಸಮಸ್ತ ಕನ್ನಡ ಕುಲಕೋಟಿಗೆ `ಆಲೆಮನೆ' ಇರುವೆಗಳಿಂದ `ನುಡಿನಮನ'ದ ಗೂಡಿಗೆ ಸವಿ ಸಾಲಿನ ಆಹ್ವಾನ. ನಾಳೆಯಿಂದ ನಮ್ಮ ತಂಡವು ಈ ತಾಣದ ಮುಖೇನ ರಂಗ ಪ್ರವೇಶಿಸುತ್ತಿದೆ. ಮಕ್ಕಳಿಂದ ಮುದುಕರವರೆಗಿನ ಎಲ್ಲಾ ಕನ್ನಡದ ಮನಸ್ಸುಗಳಿಗಾಗಿಯೇ ಈ ವೇದಿಕೆ.

ಪ್ರಸ್ತುತ 76ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಹಿನ್ನಲೆಯಲ್ಲಿ ನಾವು ನಮ್ಮ ಈ ತಾಣಕ್ಕೆ ಶ್ರೀಕಾರ ಹಚ್ಚಿದ್ದೇವೆ. ಕನ್ನಡ ಸಾಹಿತ್ಯ ಸಮ್ಮೇಳನವೆನ್ನುವುದು ಸಾಹಿತ್ಯ ಜಾತ್ರೆಯೋ? ಜನ ಜಾತ್ರೆಯೋ? ಎಂಬ ಪ್ರಶ್ನೆಗಳಿವೆಯಾದರೂ ಕನ್ನಡ ಜಾತ್ರೆ ಅನ್ನೋದರಲ್ಲಿ ಯಾವುದೇ ಅನುಮಾನಗಳಿಲ್ಲ. ಕೆಲವರಿಗಿದು ಸೆಮಿನಾರು-ಘೋಷ್ಠಿಗಳ ಗಂಭೀರ ಚಿಂತನವಾದರೆ, ಮತ್ತೆ ಕೆಲವರಿಗಿದು ಮಿತ್ರಮಂಡಳಿ, ಇನ್ನೂ ಕೆಲವರಿಗಿದು ಪುಸ್ತಕ ಸಂತೆ, ಇನ್ನುಳಿದವರಿಗೆ ಪ್ರವಾಸದ ಮೋಜು! ಇನ್ನೂ ಕೆಲವರಿರುತ್ತಾರೆ ಅವರಿಗಿದು ಭರ್ಜರಿ ವ್ಯಾಪಾರ, ಮತ್ತೊಂದು ವಿಶೇಷ ವರ್ಗವಿದೆ ಅವರಿಗಿದು ಉರವಣಿಗೆಯ ವೇದಿಕೆ. ಹೀಗೆ ಅವರವರ ಭಾವಕ್ಕೆ ಅವರ ಭಕುತಿಗೆ ಎಂಬಂತೆ ನಡೆದುಕೊಂಡು ಬಂದಿರುವ ಸಾಹಿತ್ಯ ಸಮ್ಮೇಳನದ ಕುರಿತಾಗಿ ಇಂದು `ಮರುವಿಮರ್ಶೆ'ಗಿಂತಲೂ ಖಡಕ್ ಚರ್ಚೆ ಅಗತ್ಯ. ಅದಕ್ಕೆ ವೇದಿಕೆಯಾಗಿ ರೂಪುಗೊಳ್ಳುವ ಆಶಯ ನಮ್ಮದು.

ನಿಗದಿತ ದಿನಾಂಕಗಳಂದು ನಡೆಯುತ್ತೋ ಇಲ್ಲವೋ ಎಂಬ ಸಸ್ಪೆನ್ಸ್ ಅನ್ನು ತಕ್ಕಮಟ್ಟಿಗೆ ಇನ್ನೂ ಉಳಿಸಿಕೊಂಡಿರುವ ಈ ಬಾರಿಯ ಸಾಹಿತ್ಯ ಸಮ್ಮೇಳನಕ್ಕೆ ಯಾವುದೇ ವಿವಾದಗಳಿಗೆ, ಗೊಣಗಾಟಗಳಿಗೆ ಎಡೆ ಮಾಡಿಕೊಡದಂತೆ ಕರುನಾಡ ಹಿರಿಯಕ್ಕನಂತಹ ಗೀತಾ ನಾಗಭೂಷಣ್ ಅವರನ್ನು ಸಮ್ಮೇಳನಾಧ್ಯಕ್ಷರಾಗಿ ಆರಿಸಿರುವುದು ಅಭಿನಂದನಾರ್ಹ. ಉತ್ತರ ಕರ್ನಾಟಕದ ಬದುಕಿನ ಮೇಲೆ ಬರೆ ಎಳೆದ ಅತಿವೃಷ್ಟಿಯ ಕಾರಣದಿಂದ ಉರವಣಿಗೆ-ಮೆರವಣಿಗೆಗಳಿಲ್ಲದ ಸರಳ ಅರ್ಥಪೂರ್ಣ ಸಮ್ಮೇಳನ ಇದಾಗಲಿದ್ದು, ನೆರೆ ಸಂತ್ರಸ್ತರಿಗೆ ಸಾಹಿತ್ಯ, ಸಂಸ್ಕೃತಿಯ ಮೂಲಕ ಸಾಂತ್ವನ ಹೇಳುವ ಸಮ್ಮೇಳನವಾಗಲಿದೆ. ಕಸಾಪದ ಸೌಜನ್ಯಕ್ಕೆ ನಾಡಿನ ಜನರು ಋಣಿ!

ಹ್ಞಾಂ! ಹಾಗೇ......, ಈ ಇರುವೆ ಗುಂಪು 18ಕ್ಕೆ ಗದುಗಿನ ಗಡಿ ಮುಟ್ಟಿ, ಸತತ ನಾಲ್ಕುದಿನಗಳ ಕಾಲ ಅಲ್ಲಿಂದ ನೇರವಾಗಿ `ನುಡಿನಮನ'ದ ಮುಖೇನ ನಿಮ್ಮ ಮುಂದೆ ತರಲಿದ್ದೇವೆ - 76ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಕ್ಷಣಕ್ಷಣದ ಚಿತ್ರಣ.ಮೇ ಫ್ಲವರ್ ಮೀಡಿಯಾ ಹೌಸ್ನ ಜಿ.ಏನ್. ಮೋಹನ್ ನಮ್ಮ ಬೆನ್ನಿಗೆ ನಿಂತಿರುವುದು ನಮಗೆ ಆನೆ ಬಲವನ್ನೇ ತಂದಿದೆ. ಗದಗದ ಸಾಹಿತ್ಯ ಸಮ್ಮೇಳನದ ಸಂಪೂರ್ಣ ಕವರೇಜ್ ಆಲೆಮನೆಯ `ನುಡಿನಮನ' ಮತ್ತು ಮೇ ಫ್ಲವರ್ ಮೀಡಿಯಾ ಹೌಸ್ನ ಕನ್ನಡದ ನಂ.೧ ಬ್ಲಾಗ್ `ಅವಧಿ' ಸಂಯುಕ್ತವಾಗಿ ನಿರ್ವಹಿಸುವ ಗುರುತರ ಜವಾಬ್ದಾರಿಯನ್ನು ಮೋಹನ್ ನಮ್ಮ ಮೇಲಿರಿಸಿದ್ದಾರೆ. ಅವರ ಪ್ರೋತ್ಸಾಹಕ್ಕೆ ನಮ್ಮ ಕೃತಜ್ಞತೆಗಳು.

ಇಲ್ಲಿ ನಡೆವುದು ಕನ್ನಡಿಗರ ಸಮಾಲೋಚನೆ, ಕನ್ನಡದ ದಶ-ನಿರ್ದೇಶನದ ಕುರಿತು ಕಾವೇರಿದ ಚರ್ಚೆ, ಮನ ಮಿಡಿಯುವ ಮಾತುಗಳು, ನಾಡು-ನುಡಿಯ ಚಿಂತನೆ, ಹೀಗೆ..........ನಾಳಿನಿಂದ ಬಿಸಿ ಬಿಸಿ ಚರ್ಚೆ ಶುರು. (ಚರ್ಚೆಗೆ ಕಿಚ್ಚಿದ್ದರೇನೆ ರುಚಿ).

ಈ ಕನ್ನಡದ ಅಖಾಡದೊಳ್ ಮೊದಲು ಇಳಿಯುತ್ತಿರುವ ಜಗಜಟ್ಟಿ, ಓಪನಿಂಗ್ ಬ್ಯಾಟ್ಸ್ಮನ್ ನಮ್ಮನಿಮ್ಮೆಲ್ಲರ ನೆಚ್ಚಿನ `ಚಂಪಾ' - ಪ್ರೊ.ಚಂದ್ರಶೇಖರ ಪಾಟೀಲ! ಇನ್ನೂ ಹಲ ಹಿರಿ ಮತ್ತು ಕಿರಿತಲೆಗಳ ಚಿಂತನ-ಮಂಥನ ಈ ವೇದಿಕೆಯಲ್ಲಿ. ನಿರೀಕ್ಷಿಸಿ.......

ಕನ್ನಡದ ಕೆಲಸಕ್ಕೆ ಕೈಜೋಡಿಸಿ, ನಿಮ್ಮದೇ ಸಾಲುಗಳನ್ನು ನಮ್ಮ ತಾಣಕ್ಕೆ ಕರೆತನ್ನಿ.

ಇಂತಿ ನಿಮ್ಮ,
ಆಲೆಮನೆಯ ಇರುವೆಗಳು

ಆಲೆಮನೆ - ಇದು ಯುವ ಮನಸ್ಸುಗಳ ಹೂಗುಚ್ಛ

2010-02-04T06:21:00.000-08:00

ಹಗಲಿರುಳು ದುಡಿಯೋ ಮನಸ್ಸು ಮಾಡಿರುವ ಬಲಿಷ್ಠ ಯುವ ಇರುವೆಗಳ ಗುಂಪಿದು. ಸಿಕ್ಕಿದ್ದೆಲ್ಲವನೂ ಓದೋ ಹವ್ಯಾಸ, ಬರದಿದ್ದರೂ ತೋಚಿದ್ದೆಲ್ಲವನೂ ಬರೆಯೋ ಚಟ, ನಾಟಕದ ಹುಚ್ಚು, ಸಿನಿಮಾದೆಡಗೆ ಒಂದು ಬೆರಗುಗಣ್ಣು, ಕಲಾತ್ಮಕತೆಯ ಗೀಳು, ಛಾಯಾಗ್ರಹಣದ ಚತುರತೆಗಳನ್ನು ತನ್ನೊಡಲಲ್ಲಿ ಅವಿತಿಟ್ಟುಕೊಂಡಿರುವ ಆಲೆಮನೆಯು ಕನ್ನಡ ನಾಡಿನ ಸಾಂಸ್ಕೃತಿಕ ಜಗತ್ತಿನ ಬೆಲ್ಲದ ಸವಿಯನ್ನು ಸಾಗರದಾಚೆಗೂ ಸಿಂಪಡಿಸುವ ಹಂಬಲದಿಂದ ಚಿಗುರೊಡೆದು, ಇಡೀ ಪ್ರಪಂಚದ ಕನ್ನಡಿಗರೆದೆಯ ಕದ ತಟ್ಟಲು ಸನ್ನದ್ಧವಾಗಿದೆ. ನಮ್ಮ ಈ ಯುವಕರ ಗುಂಪು ಅಭಿವ್ಯಕ್ತಿಗಾಗಿ ಆರಿಸಿಕೊಂಡದ್ದು ಆಧುನಿಕ ನೆಟ್ಲೋಕದ ವೇದಿಕೆಯನ್ನು.

ಪ್ರಸ್ತುತ ನಮ್ಮ ಬಳಗದ ಮೊದಲ ಕೊಡುಗೆ `ನುಡಿನಮನ' ತಮ್ಮ ಮಡಿಲಲ್ಲಿದೆ. ಈ `ಸಂವೇದನಾಶೀಲ' ಇರುವೆಗಳ ಗುಂಪು ಇನ್ನೂ ಅನೇಕ `ತಲೆಕೆಟ್ಟ' ಸಾಹಸಗಳಿಗೆ ಕೈ ಹಾಕಲಿದೆಯೆಂಬ ಆಶ್ವಾಸನೆ ನಮ್ಮ ಕಡೆಯಿಂದ.

ಚಾಣಕ್ಯ .ಸಿ.ಎನ್.

2010-02-04T06:16:00.000-08:00

ಏಳು ಸುತ್ತಿನ ಕಲ್ಲಿನ ಕೋಟೆಯ ಚಿತ್ರದುರ್ಗದವನಾದರೂ ಹುಟ್ಟಿ ಬೆಳೆದೆದ್ದೆಲ್ಲವೂ ಬೆಂಗಾಡು ಬೆಂಗಳೂರಿನಲ್ಲೇ. ಚಿತ್ರಕಲಾ ಪರಿಷತ್ತಿನಿಂದ ಬಿಎ fine artsನಲ್ಲಿ ಪದವಿ. ಸದ್ಯ ಬೆಂಗಳೂರು ವಿವಿಯಲ್ಲಿ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂಎಸ್ಸಿ ಕೃಷಿ.

ದಿನಾ ಸಂಗೀತ ಕೇಳಲೇಬೇಕು,
ಇಂಟರ್ನೆಟ್ ಗೇಮಿಂಗ್ ಆಡಲೇಬೇಕು,
ಅಂತೂ ಯಾವುದೋ ಒಂದು ಕೆಲಸದಲ್ಲಿ ಬಿಜಿಯಾಗಿರಲೇಬೇಕು.

ಮೊಗವ ನೋಡಲು ಮಗುವಿನ ಮುಗ್ಧತೆ
ಕೆಲಸದಲ್ಲಿ ಹೆಸರಿಗೆ ತಕ್ಕಂತೆ ಚಾಣಾಕ್ಷತೆ;
ಕಂಪ್ಯೂಟರ ಮುಂದೆ ಎತ್ತಿದ ಕೈ
ಕ್ರಿಯಾತ್ಮಕ ಕೆಲಸಗಳಿಗೆ ಸದಾ ಸೈ.

ಸಹವಾಸ ದೋಷ ಚಾನಕ್ಯನೂ ಬ್ಲಾಗಲೋಕಕ್ಕೆ ಎಂಟ್ರಿ ಪಡೆದಿದ್ದಾನೆ. ಅವನ ಬ್ಲಾಗಿನ ಹೆಸರೇ ವಿಚಿತ್ರ - http://9886534453.blogspot.com

ಪೃಥ್ವಿ ವೇಣುಗೋಪಾಲ್

2010-02-04T06:13:00.000-08:00

ಉಕ್ಕಿನ ಕಾರ್ಖಾನೆಯ ಭಧ್ರಾವತಿ ಮೂಲ ನೆಲೆಯಾದರೂ ಬೆಂಗಳೂರಿನ ಗಾಂಧೀ ಬಜಾರೇ ತವರು ಮನೆ ಎಂಬಷ್ಟು ಸನಿಹ. ಬಸವನಗುಡಿಯ ನ್ಯಾಷನಲ್ ಕಾಲೇಜಿನಲ್ಲಿ ಪಿಯುಸಿ ಮುಗಿಸಿ ಸದ್ಯ ಸರ್ಕಾರಿ ಫಿಲ್ಮ್ ಇನ್ಸ್ಟಿಟ್ಯೂಟ್ನಲ್ಲಿ ಛಾಯಾಗ್ರಹಣದ ಅಭ್ಯಾಸ ನಡೀತಾ ಇದೆ.

ಫೋಟೋ ತೆಗೆಯೋದು ಫ್ಯಾಷನ್ನೂ ಹೌದು, ಪ್ಯಾಷನ್ನೂ ಹೌದು,
ನೋಡೋರಿಗೆ ಮೊದಲೆ ಕೊಡ್ತಾನೆ ಕಾಷನ್ನು!
ಸ್ನೇಹಿತರ ಜೊತೆ ಸುತ್ತೋದೆ ಇವನ ರೀತಿ
ಸುತ್ತಿ-ಸುತ್ತಿ ತಿಳಿದುಕೊಳ್ಳಬೇಕು ಅವನ ನೀತಿ.

ಸಿನಿಮಾ ಛಾಯಾಗ್ರಾಹಕನಾಗೋ ಕನಸು
ಪ್ರತಿನಿತ್ಯ ಇದಕ್ಕೆ ನಡೆದಿದೆ ಕಸರತ್ತು;
ಆನಿಮೇಷನ್ನಲ್ಲೂ ಮಾಸ್ಟರಾಗೋ ಮನಸು
ಕಂಪ್ಯೂಟರ್, ಕ್ಯಾಮೆರಾ, ಮೊಬೈಲ್ ಇವೇ ಜಗತ್ತು.

ಕೈ.ವೆ.ಆದಿತ್ಯ ಭರಧ್ವಾಜ

2010-02-04T06:07:00.000-08:00

ಮೂಲ ಕೋಲಾರ ಜಿಲ್ಲೆಯ ಕೈವಾರ. ಆದರೆ ಹುಟ್ಟಿ ಬೆಳೆದೆದ್ದೆಲ್ಲವೂ ಬೆಂಗಳೂರಿನಲ್ಲೇ. ಓದುವ ಗೀಳು ತಲೆಗತ್ತ ದಿನದಿಂದ ಪ್ಯಾಷನ್ ಆದದ್ದು ಓದಲ್ಲ, ಬರವಣಿಗೆ! ನ್ಯಾಷನಲ್ ಕಾಲೇಜಿನಲ್ಲಿ ಬಿಎಸ್ಸಿ ವ್ಯಾಸಂಗ ಮುಗಿಸಿ ಸದ್ಯ ಬೆಂಗಳೂರು ವಿವಿಯಲ್ಲಿ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂಎಸ್ಸಿ ಅಭ್ಯಾಸ.

ಆ ಪುಸ್ತಕ, ಈ ಪುಸ್ತಕ ಇವೇ ಆಸ್ತಿ
ಗೆಳೆಯರ ಜೊತೆಗೂ ಇಲ್ಲಾ ಮಸ್ತಿ-ಗಿಸ್ತಿ;
ಬರವಣಿಗೆ, ಕಂಪ್ಯೂಟರ್ ಇವನ ದೋಸ್ತಿ
ಮಾತುಕತೆ, ಹರಟೇಲಿ ಕಾಲ ಕಳೆಯೋದು ಜಾಸ್ತಿ.

ಎಲ್ಲ ಪತ್ರಿಕೆಗಳಲ್ಲೂ ಪ್ರಕಟವಾಗಿವೆ ಇವನ ಲೇಖನ
ಪುಸ್ತಕವನ್ನೇ ಮಾಡಿ ಪ್ರಕಟಿಸಬೇಕು ಅನ್ನೋ ಚಿಂತನ;
ಇದ್ದಂತೆ ಇವನೊಬ್ಬ ಎನ್ಸೈಕ್ಲೋಪೀಡಿಯಾ
ಕೊಡ್ತಿರ್ತಾನೆ ಎಲ್ಲರಿಗೂ ಒಳ್ಳೊಳ್ಳೆ ಐಡಿಯಾ.

ಕನ್ನಡ ಬ್ಲಾಗಲೋಕದಲ್ಲಿ ಇವನದೇ ಒಂದು ಲೋಕ - ಆದಿಲೋಕ!
http://adiloka.blogspot.com

ಸಾ. ಹೇಮಂತ ಕುಮಾರ

2010-02-04T05:49:00.000-08:00

ಬಿಡಾರ ಮಹಾರಾಜರದ್ದು ಬಿಡದಿ. ಇವನಿಗೆ ಬಸವನಗುಡಿಯ ನ್ಯಾಷನಲ್ ಕಾಲೇಜು ಎರಡನೇ ಮನೆಯಿದ್ದ ಹಾಗೆ. ಅಲ್ಲೇ ಬಿಎಸ್ಸಿ ವ್ಯಾಸಂಗ, ಸದ್ಯ ಈಗ ಬೆಂಗಳೂರು ವಿವಿಯಲ್ಲಿ ವಿದ್ಯುನ್ಮಾನ ಮಾಧ್ಯಮ ವಿಭಾಗದಲ್ಲಿ ಎಂಎಸ್ಸಿ ಕೃಷಿ.

ಬರೀ ಓಡಾಟವೇ ಇವನ ಜೀವನ
ಬಸ್ಸಲ್ಲೇ ಓದು ನಿದ್ದೆ, ಬರೀತಿರ್ತಾನೆ ಕವನ;
ಎಲ್ಲದರಲ್ಲೂ ಸ್ವಲ್ಪ ಹೆಚ್ಚೇನೇ ಹುಮ್ಮಸ್ಸು
ಇದ್ರಿಂದಾನೇ ಗೆಳೆಯರಿಗೆ ಇವನ್ಮೇಲೆ ಮುನಿಸ್ಸು.

ನಾಟಕ, ನಟನೆ, ನಿರ್ದೇಶನ, ಬಿಟ್ಟಿಲ್ಲ ಯಾವ ಜಾಗ
ಕಾಲೇಜು-ಓದು-ಬರಹ ನಡೆಯುತ್ತೆ ಆಗಾಗ;
ಸಾಕ್ಷ್ಯಚಿತ್ರ, ಸಾಹಿತ್ಯದ ಹುಚ್ಚು ಹತ್ತಿದೆ ಈಗೀಗ
ಕ್ರೀಯಾಶೀಲತೆ-ಕಲಾತ್ಮಕತೆ ಬದುಕಿನ ಭಾಗ.

ಇವನ್ದೂ ಒಂದು ಬ್ಲಾಗ್ ಇದೆ. ಓದೇ ಸವಿಯಬೇಕು ಪಾಪು ಪುಟ.
http://papuputa.blogspot.com